11-12 қазан күндері Астана қаласында ҚР Оқу-ағарту министрлігі еліміздің үздік пікірсайысшылары үшін оқушылар арасындағы республикалық пікірсайыс турнирін өткізді. Республика бойынша 81 мыңнан астам оқушы іріктеуге қатысып, соның ішінен ең үздік 180 оқушы финалдық кезеңге жолдама алды.

Абай облысының намысын қорғап «Ы.Алтынсарин атындағы № 37 гимназия» КММ орыс лигасы «Ыбырай дарындары» фракциясы 2 ойыннан жеңіске жетсе, ағылшын лигасы «Cherry gloss» фракциясы ширек финалға жетті. «№ 45 жалпы орта білім беретін мектебі» КММ  қазақ лигасында «Әділет» фракциясы сыни ойлау мен шешендік сөйлеу өнері дағдыларын және сендіру әдістерін қалыптастыру мақсатында шынайы ұмтылысын көрсетті.

Турнир қорытындысы бойынша Назарбаев зияткерлік мектебінің 12 сынып оқушысы ағылшын лигасы бойынша Айтқалиева Дана «Ең үздік спикер» номинациясы кубогымен марапатталды.

Жетекшілері Шантемиров Архат Жанатович, Тұрысбекова Бинұр Ахатқызы ҚР Оқу - ағарту министрлігінің Алғыс хатымен және «Балалық шақ досы» төсбелгісімен  марапатталды.