2025 жылдың 25 ақпаннан 1 наурыз аралығында Алматы қаласындағы Қазақстан Республикасы Қорғаныс министрлігі Спорт комитеті - Орталық спорт клубының оқу жаттығу орталығы базасында «Жас сарбаз» Республикалық жасөспірімдер әскери-патриоттық қозғалысының тәрбиеленушілері арасында 🔹IV Республикалық «Қалқан» қысқы спартакиадасы өтті.
🔹Абай облысының намысын қорғауға Семей қаласы білім бөлімінің «Шәкәрім атындағы көпбейінді №5 гимназиясы» КММ оқушысы Кубылтаев Темирлан, Аягөз ауданы білім бөлімінің «Мектеп жанындағы интернаты бар Ақши жалпы орта білім беретін мектебі» КММ оқушысы Илиясов Нурбек, Бесқарағай ауданы білім бөлімінің «Малая Владимировка орта мектебі» КММ оқушысы Акулова Мария өз бақтарын сынады. Команда ​жетекшісі – Семей қаласы білім бөлімінің №9 жалпы орта білім беретін мектеп» КММ алғашқы әскери және технологиялық дайындық пәні оқытушы-ұйымдастырушысы Хабаев Серик Абенұлы.
🔹IV Республикалық «Қалқан» қысқы спартакиадасына 17 команда, 80 оқушы қатысты.
14-15 жас аралығындағы қыздар арасында «Арқаға жатып денені көтеру» Президенттік тест тапсырудан жекелей сында Акулова Мария 1-ші орынды жеңіп алды және 3 сайыстан (мылтық ату, «арқаға жатып денені көтеру», шаңғы жарысы) 3-ші жүлделі орынға ие болды. 16-17 жас аралығында ұлдар арасында белтемiрде тартылудан Кубылтаев Темiрлан 2 орын, Илиясов Нурбек 3 орынға табан тiредi.
🔹IV Республикалық «Қалқан» қысқы спартакиадасының қатысушыларын жеңістерімен құттықтаймыз!