Абай облысының білім басқармасы «Дарындылық пен қосымша білім беруді дамытудыңоблыстық ғылыми-әдістемелік «Дарын» орталығы бастауыш сынып оқушыларына арналған «Бастау» республикалық математикалық олимпианың облыстық кезеңі аясында «Математикадан олимпиадалық және логикалық есептерді шешудің әдіс-тәсілдері» тақырыбында облыстық семинар ұйымдастырды.
Семинарда облыстық олимпиаданың тапсырмаларын шешудің жолдары, күрделілігі жоғары логикалық тапсырмаларды, бастауыш сыныптарға арналған «Бастау» олимпиадасының ерекшеліктері мен тапсырмаларын шешудің мәселелері талқыланды.
Семинарға бастауыш сынып мұғалімдері қатысты. Семинар барысында Семей қаласының «Ы.Алтынсарин атындағы № 37гимназия» КММ бастауыш сынып мұғалімі Ашимова Мейрамгуль Мажитовна және Үржар ауданы ББ «Қазымбет орта мектеп-бақшасы»КММ, бастауыш сыныпмұғалімі Крыкпаева Эльмира Серикпаевна тәжірибелерімен бөлісті.
