«Қауіпсіздік мектебі» облыстық жарыс🔊

✅Жарыс өтетін күні: 2024 жылдың 22 қазан.
🔷Жарысқа келу уақыты: 2024 жылдың 22 қазан сағат 9.30.
📌Жарыстың салтанатты ашылуы: 2024 жылдың 22 қазанда сағат 10.00
✔️Өтетін орны: Семей қаласының № 5 өрт сөндіру бөлімі (Глинки көшесі, 73в).
Жарысты Абай облысының білім басқармасы және Абай облысының Төтенше жағдайлар департаментімен бірлесіп басқарады, жарысты ұйымдастырушылар «Абай облысының білім басқармасы» ММ «Дарындылықты пен қосымша білім беруді дамытудың облыстық ғылыми-әдістемелік «Дарын» орталығы» КМҚК әскери-патриоттық бағытты дамыту бөлімі және Абай облысының Төтенше жағдайлар департаментінің төтенше жағдайларды жою басқармасы ұйымдастырып өткізеді.
Жарыстың мақсаты мен міндеттері:
− тіршілік әрекетінің қауіпсіздігі мәселелеріне, өрт немесе басқа да төтенше жағдайлар туындаған жағдайда дұрыс іс-қимыл жасау дағдыларына, зардап шеккендерге алғашқы медициналық көмек көрсету мәселелеріне үйрету;
− балалардың шала ісі, өмір қауіпсіздігі ережелерін білмеуі, төтенше жағдайларда әрекет ете алмауы салдарынан туындайтын төтенше жағдайлардың алдын алу проблемаларына мемлекеттік және қоғамдық ұйымдардың, педагогтердің назарын аудару.
Жарысқа қатысушылар: әр аудан, қаладан 1 «Жас құтқарушы» командасы 14-16 жас аралығындағы оқушылары қатысады.
Жарыстар мен байқау түрлері:
1) «Таныстыру» байқауы;
2) «Өрт эстафетасы» жарысы;
3) «Алғашқы көмек көрсету» байқауы.
Марапаттау: жалпы есепте жеңімпаз командалар дипломдармен, кубоктармен және медальдармен марапатталады, барлық командаларға жарысқа қатысқанын растайтын сертификат беріледі.