🔗Ойын-сауық бағдарламасы 4 мерекелік алаңға бөлінді.

1️⃣Бірінші алаңда «Шәкәрім» кітап үйі мамандары кітап-жәрмеңкесін ұйымдастырды. Балаларға базарлық ретінде әдемі де мазмұнды кітаптарын ұсынды.

2️⃣Екінші алаңда Абай кітапханасы мамандары балдырғандарға мерекенің тарихы мен маңыздылығы және балалардың қауіпсіздігі туралы маңызды ақпараттар таратты. «Қауіпсіз жазғы демалыс» атты кең көлемді кітап көрмесін ұсынып, басылымдарға шолу жасады.

3️⃣Үшінші алаңда «Ночной водитель», «Кенгуру», «Доппен ойын» т.б. спорттық, эстафеталық ойындар ойнатылды. Мерекелік шарада бүлдіршіндер әндер айтып, би билеп, көңілдерін көтерді.

4️⃣Төртінші алаңда «Aвэль» арт-студиясы «Әлем балалар көзімен» атты сурет көрмесін таныстырды. Жетекшісі Авэль Светличная қатысушыларға сурет салу техникасы бойынша шеберлік сабағын өткізді.

Биологиялық орталыққа және мұражайларға экскурсиялар ұйымдастырылды. Шара соңында балдырғандарға сыйлықтар табысталып, марапаттау рәсімі өтті.🌹