Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы 2023 жылдың 8-11 тамызында Абай облысы Абай ауданы Қарауыл ауылында жалпы білім беретін мектептердің 8-11 сынып оқушылары арасында XXIV республикалық Абай оқуларын өткізеді.
​
🔹Конкурстың мақсаты: қазақ халқының әдеби мұраларын дәріптеу, мектеп оқушыларының классикалық әдебиеттерді оқуға деген қызығушылықтарын арттыру.
​
🔻Республикамыздың 16 өңірінен 131 оқушы, 27 жетекші қатысады.

🔶7 тамыз күні сағат 14.30 Семей қаласы Абай алаңындағы ұлы ақынның ескерткішінің маңында Республика өңірлерінен келген қонақтар мен конкурсқа қатысушыларды қарсы алып, ескерткішке гүл шоғын қою рәсімі ұйымдастырылады.
​ 
🔘Салтанатты рәсім аяқталғаннан кейін, Семей қаласының мәдени-тарихи орталықтарымен танысып, қаланы аралайды.

🔶8 тамыз күні сағат 13.00-де жас абайтанушылар Абай ауданының тарихи мәдени орындарына: Бөрлідегі Мұхтар Әуезовтың мұражайына, Сырт Қасқабұлақтағы Абайдың туған жеріне, «Еңлік – Кебек» ескерткішіне барады. 
​ 
🔘XXIV республикалық Абай оқуларының ашылу салтанаты сағат 20.00 Қарауыл ауылының мәдениет үйінде өтеді.

🔶9 тамызда конкурсқа қатысушылар Абай аудандық мәдениет үйінде «Көңілім әнді ұғады», «Ұлылар әлемі» номинацияларына және Жидебайдағы Амфитеатрда «Өлең – сөздің патшасы, сөз сарасы», «Абайдың қара сөздері», «Абайдың ақын шәкірттерінің шығармалары», «Жүйріктен жүйрік озар жарысқанда» номинацияларына қатысады.

🟢Іс-шараның қорытынды бөлімі: Абай аудандық мәдениет үйінде сағат 20.00-де.

🔘10 тамыз күні сағат 13.30-18.00 аралығында Семей қарағайлы орманына саяхат ұйымдастырылады.