«Заңды сақтау неге маңызды?» облыстық эссе конкурсы онлайн өтті

Абай облысының білім басқармасы ММ «Дарындылық пен қосымша білімберуді дамытудың облыстық ғылыми-әдістемелік «Дарын» орталығы» ұйымдастыруымен 9-10 сынып оқушылары арасында «Заңды сақтау неге маңызды?» облыстық эссе конкурсы онлайн өтті.

Конкурстың мақсаты - жас ұрпақтың арасында заңға құрметпен қарау және заңсыз әрекеттердің алдын алу мәдениетін қалыптастыру.

        Байқауға Абай облысының Үржар, Аягөз, Жанасемей, Жарма, Ақсуат, Бородулиха, Мақаншы, Көкпекті, Бесқарағай аудандарымен Семей қаласының 9-10 сынып оқушылары қатысты.  Байқаудың нәтижесі бойынша 120 оқушы жүлдегер атанды. 

Облыстық байқаудың жүлдегерлері мен жетекшілерін марапаттарымен құттықтаймыз.

Ата-аналарға  балаларына қолдау көрсетіп, шығармашылықтарын дамытқандары үшін  алғыс білдіреміз.