2024 жылғы 4 наурызда математика, жаратылыстану, қазақ тілі мен әдебиеті, орыс тілі мен әдебиеті, орыс тілінде оқытатын мектептердегі қазақ тілі, қазақ тілінде оқытатын мектептердегі орыс тілі, ағылшын тілі, Қазақстан тарихы, яғни  8 жалпы білім беретін пәндер бойынша 5-6 сынып оқушыларына арналған республикалық олимпиаданың облыстық кезеңі өтті.

Олимпиаданың негізгі мақсаты: оқушылардың зияткерлік қызмет пен ғылыми білімге деген қызығушылығын дамыту, білім алушылардың қабілеттерін, бейімділігін іске асыруы үшін жағдай жасау, дарынды балалармен жұмыс шеңберінде ерте бастан бейіндеу, республикалық пәндік олимпиадаларға қатысу үшін жоғары ынталы білім алушыларды анықтау.

Олимпиадаға барлық өңірлерден және облыстық мамандандырылған мектептерден 168 оқушы қатысты. Қатысушылар қиындығы 3 деңгейлі 30 тестке жауап беру тапсырмасын алды.

96 оқушы облыстық кезеңнің жүлдегерлері атанды, олардың 14-і – І орын, 25-і – ІІ орын және 57-сі – ІІІ орын алды. 10 оқушы грамотамен марапатталды.

Олимпиаданың барлық қатысушылары сертификаттар, ал жүлдегерлер – Абай облысы білім басқармасы дипломдарын алады.

Олимпиада қорытындысы бойынша біздің облыстың атынан республикалық кезеңге қатысатын команда жасақталады