«Абай облысы білім басқармасы» ММ «Дарындылық пен қосымша білім беруді дамытудың облыстық ғылыми – әдістемелік «Дарын» орталығы» КМҚК ағымдағы жылдың 22 қыркүйегінде қалалық/аудандық білім бөлімдерінің «Qabilet» қызметін үйлестіруші әдіскерлеріне, педагог-психологтерге, педагог-профориентаторларға арналған «Балалардың қабілеттерін, дарындылығын диагностикалау мен дамытудағы өзекті мәселелер» тақырыбындағы облыстық семинардың өткізілетіндігін хабарлайды.📢

🔹Іс-шара пленарлық және практикалық бөлімнен тұрады.

⚜️Пленарлық бөлім: «Балалар мен жасөспірімдердің қабілетін, дарандылығын диагностикалау және дамыту, зерттеудің теориялық, әдістемелік және қолданбалы мәселелері».

🔻Практикалық бөлім үш бағытта өтеді:

▫️- «Дарынды және талантты балалардың шығармашылық дамуына жағдай жасаудың тиімді жолдары»;
▫️- «Мектеп оқушыларының дарындылығының психологиялық- педагогикалық шарттары»;
▫️- «Инклюзивті орта жағдайында ерекше білім беру қажеттіліктері бар оқушылардың қабілеті мен дарындылығын дамыту жолдары».

📝Барлық қатысушылар саны – 70 адам. Оның ішінде: баяндамашылар – 12 адам, «Qabilet» қызметін үйлестіруші білім бөлімінің әдіскерлері – 10, мамандандырылған мектептердің маманы– 3, педагог-психологтер – 29, педагог-профориентаторлар – 16.