Абай облысы білім басқармасының іс шаралары жоспарына сәйкес, 2025 жылғы 28 ақпанда «Дарынды балаларға арналған Ш.Уәлиханов атындағы «Жас Ұлан» арнайы ерлер мектеп-лицейі интернаты» КММ Кеңес Одағының Батыры Әлия Молдағұлованы еске алуға арналған «Абай мергені-2025» облыстық әскери-патриоттық турнирі өткізіледі. Командалардың келуі, тіркелуі уақыты – 2025 жылғы 28 ақпан сағат 9.00
 

📚Турнирдің мақсаттары:
− мектеп жастар арасында патриоттық сезімді дамыту;
− Отанына адал, елін, жерін қастерлейтін, патриоттық рухы жоғары, батырлардың ерлігін үлгі ету, насихаттау;
− мылтық ату спортын дамыту;
− жақсы нәтиже көрсеткен жеке және командалық кұрамды анықтау.
🔗Турнирге іріктеу кезеңдерінің жеңімпаздары мен жүлдегерлері – облыстың жалпы білім беретін мектептерінің, мектептен тыс қосымша білім беру ұйымдарының «Жас сарбаз» әскери-патриоттық қозғалысының тәрбиеленушілері қатысады. Команда құрамында 4 қыз бала.
🔗Турнир ұйымдастырушылары «Дарындылық пен қосымша білім беруді дамытудың ғылыми-әдістемелік «Дарын» орталығы» КМҚК, «Дарынды балаларға арналған Ш.Уәлиханов атындағы «Жас Ұлан» арнайы ерлер мектеп-лицейі интернаты» КММ, ҚР ҚК Ұлттық әскери-патриоттық орталығының Семей қаласы филиалы бірлесіп ұйымдастырып өткізеді.