2025 жылғы 18 ақпанда жасөспірімдер арасында математика және физика пәндерінен Ж. Базенұлы атындағы облыстық олимпиаданың өту мерзімінде физика-математика пәні мұғалімдеріне арналған «Математика-физика пәндерінен олимпиадалық есептерді шығарудың замануи тәсілдері» тақырыбында облыстық семинар ұйымдастырылды.
Іс-шараның мақсаты – олимпиадалық, логикалық және күрделілігі жоғары есептерді шешудің заманауи әдіс-тәсілдерін қолдана отырып, олимпиадалық есептерді шешуде педагогтердің кәсіби шеберліктерін жоғарлату.
Міндеттері:
- олимпиада жүлдегерлері мен жеңімпаздарын даярлаған жетекшілердің озық іс-тәжірибелерімен алмасу, мектептің олимпиада резервтерін қалыптастыру және дамыту.
Облыстық семинарға жоғары оқу орындарының оқытушылары, математика, физика пәндерінің мұғалімдері, әдіскерлер қатысты.
Семинарда олимпиадалық және логикалық тапсырмаларды шешудің заманауи тәсілдерімен бөліскен, төмендегі озық тәжірибелі ұстаздарымызға алғыс білдіріп, еңбектеріне шығармашылық табыс тілейміз:
- Толеубай Алтын Мукановна, ҚеАҚ Семей қаласының Шәкәрім атындағы университеттің аға оқытушысы;
- Калиакпарова Акерке Ракымхановна Семей қаласы білім бөлімінің «Шәкәрім атындағы көпбейінді № 5 гимназия» КММ математика мұғалімі; - Калиева Манигаш Смагулбековна, Семей қаласы білім бөлімінің «№50 жалпы орта білім беретін IT мектеп- лицейі» КММ математика мұғалімі;
- Алтынжанов Куаныш Мубаракович, Үржар ауданы білім бөлімінің «Қарақол орта мектеп-бақшасы» КММ математика мұғалімі;
- Толеуханова Шынар Сарсеновна, Семей қаласы білім бөлімінің «№17 жалпы орта білім беретін мектеп» КММ физика мұғалімі;
- Бимбетова Алуа Нурлыбековна, Семей қаласы білім бөлімінің «Шәкәрім атындағы көпбейінді № 5 гимназия» КММ физика мұғалімі;
- Нәубетов Жасқайрат Әділбекұлы, Абай облысы білім басқармасының «Семей қаласындағы облыстық дарынды балаларға арналған мамандандырылған «БІЛІМ-ИННОВАЦИЯ» лицейі» КММ физика мұғалімі.
