9-11 сынып оқушыларына арналған жалпы білім беретін пәндер бойынша республикалық олимпиаданың ІІІ облыстық кезеңінің жеңімпаздары мен жүлдегерлерін марапаттау өтті

Абай облысының білім басқармасы Дарындылық пен қосымша білім беруді дамытудың облыстық ғылыми-әдістемелік «Дарын» орталығының (бұдан әрі – Орталық) жұмыс жоспарына сәйкес, 2026 жылғы 6–7 қаңтар күндері 

9–11-сынып оқушыларына арналған жалпы білім беретін пәндер бойынша республикалық олимпиаданың ІІІ (облыстық) кезеңі өткізілді.

Олимпиаданың негізгі мақсаттары мен міндеттері:

оқушылардың шығармашылық қабілеттерін дамыту;

теориялық білімдері мен тәжірибелік шеберлігін тереңдету;

жеке тұлғаның өзін-өзі дамытуына ықпал ету;

дарынды оқушыларды анықтауға жағдай жасау;

халықаралық олимпиадаларға қатысатын оқушыларды іріктеу және даярлау;

Қазақстан Республикасында білім берудің беделін арттыру.

Олимпиаданың облыстық кезеңі Семей қаласындағы:

«Дарынды балаларға арналған Ш. Уәлиханов атындағы “Жас Ұлан” арнайы ерлер мектеп-лицей-интернаты» КММ;

«Экономикалық лицей» КММ

базаларында өткізілді.

Олимпиадаға аудандық және қалалық іріктеу кезеңдерінен өткен Абай облысының жалпы білім беру ұйымдарының 9–11-сыныптарында білім алатын 500-ге жуық оқушы қатысты.

Олимпиада қорытындысы бойынша жүлделі орындар төмендегідей бөлінді:

І орын – 39 оқушы;

ІІ орын – 85 оқушы;

ІІІ орын – 129 оқушы