Зерттеу жобалары конкурсының облыстық кезеңі өтті

🏛️Абай облысы білім басқармасының жұмыс жоспарына сәйкес дарындылық пен қосымша білім беруді дамытудың ғылыми-әдістемелік «Дарын» орталығы 2025 жылғы 19-20 қараша күндері (8-11)12 сынып оқушылары арасында жалпы білім беретін пәндер бойынша республикалық зерттеу жобалары конкурсының облыстық кезеңі өтті.

🔬Негізгі мақсаты – оқушылардың зияткерлік әлеуетін қалыптастыруға ықпал ету болып табылады.

🧪Конкурстың міндеттері:

1) Оқушылардың ғылыми-зерттеу және оқу-танымдық қызметін ынталандыру;

2) Ең талантты және дарынды зерттеушілерді іріктеу және қолдау;

3) Оқушылардың үздік зерттеу жетістіктері мен өнертабыстарын көрсету және насихаттау;

4) Оқушылардың зияткерлік әлеуетін дамыту мәлелеріне қоғамның назарын аудару және ғылыми-зерттеу ресурстаын тарту.

🧬Облыстық конкурстың қатысушылары аудандық/қалалық конкурстық іріктеу кезеңдерінен өткен Абай облысының жалпы білім беру мекемелерінің (8-11)12 сыныптарының оқушылары.

Жалпы білім беретін пәндер бойынша республикалық зерттеу жобалары конкурсының облыстық кезеңіне 244 оқушы, 200-ден астам жоба қатысты.

🌡️Облыстық кезеңінің қорытындысы бойынша Жаратылыстану-математика бағыты бойынша

90 -ға жуық қатысушы, қоғамдық-гуманитарлық бағыт бойынша 60-тан астам жеңімпаздар мен жүлдегерлер анықталды.